|
| 笑著面對每天的挑戰,無憂無慮渡過繁悶的日子
這就是我的生活之道
| | |
| 食左幾日西藥.....D副作用超勁......
食完之後個人好虛...好易暈.....
沖沖下涼仲訓著左.......今朝仲咳血......
仲係課室訓左足足一日.......死得啦終於
雖然唔想再食....但係一定要食....因為太痛啦......
希望快D好返....繼績特訓!!!
死人啊膠同啊雞!!幫我報陸運會3千米....玩野呀!!!!
| | |
| 尋日係學校俾人推左落樓梯......隻腳超痛...
我以為係普通拗柴就冇理佢.....點知真係痛到要早退.....
之後就去左睇骨科啦.......點知佢話我可能又骨折....叫我去照X光...
搞到我要行過對面大廈先有得照,一路行隻腳一路痛...
咁大個人第一次痛到喊,上次都冇咁痛
照完又行返過去醫生個到....又痛一次....
點知個醫生同我講我腳踝骨未端成條斷開...斷開個節仲移左位....
跟住佢同我局部麻醉隻腳 同我移番舊骨 超痛!!!!!
仲要打埋石膏 佢話要打4個星期 之後可以坼,但要帶一個護套同做物理治療.......
點知佢話要我再照一次X光 今次我攞住兩拐柭慢慢咁(行)過去
足足(行)左半個鐘......照完又返過去醫生個到......佢話接得唔係咁好 ,但係都可以接受...
跟住我就俾左$3000蚊,仲要我每個星期去覆診.....俾佢禁住搶........
返到屋企仲要俾啊媽罵......
好辛苦呀
| | |
| 今日終於去完個camp啦,雖然覺得過得好快...但係幾好玩
第一次去camp間房係有電視~~~超開心
去之前我地7子買左西瓜入去...勁甜但係好多核....
雖然我地7子唔係同一Team 不過我個組d人都幾好玩
第一晚我覺得係個惡夢........要7個人訓5張床....變晒沙丁魚....
第二日就實在太多搞笑野...唔係好記得
係間房玩大富翁.....狂坐監,起點都冇行過
又係房睇電視 ,係度扮評述,好pro lor
跟住仲玩夾公仔...我夾到兩個~~不過夾左我成百蚊
真係好好玩~夾到到上癮
最尾個日要演話劇 我要做yeah蘇......差D認唔住笑.....
好好玩AR!!!!!!!!!!下次有幾會再去
| | |
| 今日去左又一城溜冰......玩到隻腳好痛,仲仆左一次......腳都軟埋
之前仲俾肥佬嚇一嚇,話玩到流出血水......鼻水就有
跟住行左一陣,去左打波......唔識路搭車返屋企...搭的士~~
返到屋企,沖完涼,就feel到四支無力.......好辛苦......
幾時剪頭髮好呢??
| | |
|
